Закладки Meni kechir

Название:
Meni kechir
Жанр:
Дата:
21-12-2013, 06:58
Просмотры:
4687
 

МЕНИ КЕЧИР

 

Рафиқамга

 

 

Мени кечир, сени бахтли қилолмадим.

Ваъдалар бергандим

                   қилган эдим аҳд.

Неча бор уриндим,

                   уддалолмадим.

Тобора узоқлаб

                   бораётир бахт.

 

Иродам синдими,

синдиришдими?!

Бир пайтлар боқардим

сервиқор, тикка.

Руҳимдан исённи

тиндиришдими?

Кўзларим тўладир

мунг ва ҳадикка.

 

 

На бир шеър на бир сўз,

на орзу, мақсад

Энди осмонимда

қанот қоқарлар

Бургутдай кўкларни

кўзлардим ҳарвақт

Менга эга чиқди,

товуқбоқарлар.

 

 

Кечир бўлолмадинг

хуррам, бахтиёр.

Тугаб бораётир

тобора имкон.

Билсайдим чоҳларнинг

турганин тайёр

Ваъда бермас эдим

сенга ҳеч қачон.

 

 

 

Баққолни бува деб

бол олмоқ мумкин.

Аммо ҳеч хиёнат

қилмасман шеърга.

Шайтонларга қарши

ёзмоғим учун

Худойим, менга ҳур

қаламни берган.

 

 

Дунёга эгадир

шайтонваччалар

Уларга қўшилсам

бойирдим махкам.

Аммо ҳалол йўлда

топилмаса гар,

Давлат-у бахт эмас,

тилло-ю зар ҳам.

 

 

Турибман сарсари

абгор ва тушкун

Кечир. Мажолим йўқ.

мени қил дуо.

Сен дейсан: - Мадад бор,

нотавон, мискин.

Хору – заифларнинг

дўстидир Худо!

 

 

Бор қудрат қўлида

бўлган буюк зот

Агарки қўлласа,

бўлса биз тараф

Йўлимизни очса,

ўнгласа ҳайҳот

Шудир бахт, шу тенгсиз

саодат, шараф.

 

 

 

Толемизни ёруғ

қилсин Худойим

Бахт бергувчи фақат

Парвардигордир.

Бизлар хор бўлмасмиз,

дунёда доим

Худони унутган

қимсалар хордир!”

 

 

Сен таскин берасан.

бахт айвонида

Сенга эрк шаробин

ичирмоқчи эдим.

Навоий қолдирган

шеър осмонида

Мен ҳам шеърларимни

учирмоқчи эдим.

 

Бир шеърки юракдан

кўкка ўрлаган

Гўё эрк номидан

айтилган фарёд

Бир шеърки, хавф ичра

қолганда Ватан

Гўё мард ўғлонлар

ичган қасамёд.

 

Мени кечир, сени бахтли қилолмадим.

Аммо ўзимни ҳеч кечиролмасман.

Юксак парвозга шай шеърлар ёзолмадим.

Қанотлари синган, учиролмасман.

 

 

Шоир, адиб, олим ва таржимон -


Муҳаммад Исмоил

 


Muallif (Muhammad Ismoil)ning roziligisiz boshqa saytga ko'chirish qat'iyan taqiqlanadi! 


кино. клип, мр3 , софт
 

 
SAYTIMIZNING HURMATLI FOYDALANUVCHILARI VA MEHMONLARI! SIZLAR UCHUN ENDI TELEGRAM DASTURIGA MO'LJALLANGAN SAYTIMIZNING MEDIA KANALI OCHILDI! SAYTIMIZDAGI BARCHA KLIP VA TARONALARNI USHBU KANALIMIZ ORQALI HAM YUKLAB OLISHINGIZ MUMKIN!
USHBU HAVOLAGA BOSING VA JOINNI BOSING

Вместо этого текста пропишите код вывода рекламы.
ИнформацияПосетители, находящиеся в группе Mehmon, не могут оставлять комментарии к данной публикации.

«    Декабрь 2016    »
ПнВтСрЧтПтСбВс
 1234
567891011
12131415161718
19202122232425
262728293031 

Siz qaysi viloyatdansiz?