Закладки МАСЛАҲАТ

Название:
МАСЛАҲАТ
Жанр:
Дата:
3-10-2013, 02:22
Просмотры:
4758
 
МАСЛАҲАТ

Мен ўзимни севаман,
Менга ўзим ёқади,
Энди менга барибир,
Ким қанақа боқади.

Нуқсонлими, қорами
Юзим — менинг юзимдир.
Дунёда энг чиройли
Битта одам — ўзимдир!

Қўлим калта ва лекин
Йўқдан кўра, шукур, бор.
Бу дунёда ҳеч одам
Эмас мендек бахтиёр.

Гап эшитсам жилмайиб,
Калтак есам куламан.
Чап юзимга уришса, 
Ўнгин тутиб бераман.

Юрак деган қабрга 
Армонимни кўмганман.
Ва устида боламга
Ўйин тушиб берганман.

Ҳар тонг қараб ойнага
Дейман: менинг ғамим йўқ.
Мен соғломман! Мен зўрман!
Ташвишим йўқ, камим йўқ.

Нохушликлар — ёв, лекин
Мен улардан қарз эмас.
Ҳеч қайсиси жонимни
Тикишимга арзимас.

Хомуш бўлар баъзилар
Сочин оқин санашиб.
Менга эса турибди,
Ажинлар ҳам ярашиб.

Тикан — тикан, гул — гулдир,
Ҳар нарса ўз ҳолича.
Азизларим, дунёни
Қабул қилинг борича.

Осон яшай десангиз,
Маслаҳатим олволинг.
Ўзингизни озгина
Жинниликка солволинг.

Не кун кўрсам барига
Оллоҳ рози — мен рози.
Яратганнинг қўлида
Энг тўғри тош-тарози.

Яшашга эмас, бизни
Имтиҳонга ташлабдур.
Пирим — ўша ковушсиз
Девонайи Машрабдур.

Кўйлагимни сўрашса,
Тўнимни ҳам берайин.
Тиканларнинг ичидан
Лолаларни терайин.

Қизим қайтиб кептими?
Ажаб бўпти, хўп бўпти!
Бугун яна бойибман,
Битта ташвиш кўп бўпти.

Нархи қанча, опкелинг,
Ғамингизни оламан.
Бор пулимга ташвишу
Камингизни оламан.

"Ғам” сўзидан ўзимга,
"Шодлик” сўзин ясайман.
Ман шунақа, ўзимни
Хурсанд қилиб яшайман.

Телба экан-ку, дея,
Кулмангиз Марҳабога.
Барча ҳисоб-китобни
Қўйиб қўйдим Оллога.

Марҳабо Каримова

кино. клип, мр3 , софт
 

 
SAYTIMIZNING HURMATLI FOYDALANUVCHILARI VA MEHMONLARI! SIZLAR UCHUN ENDI TELEGRAM DASTURIGA MO'LJALLANGAN SAYTIMIZNING MEDIA KANALI OCHILDI! SAYTIMIZDAGI BARCHA KLIP VA TARONALARNI USHBU KANALIMIZ ORQALI HAM YUKLAB OLISHINGIZ MUMKIN!
USHBU HAVOLAGA BOSING VA JOINNI BOSING

Вместо этого текста пропишите код вывода рекламы.
Zilola1
Ha, Marhabo Karimova juda ma'noli va hayotiy she'rlar yozadi, qoyil
  • 3 октября 2013 14:23
Sarvin
e bu she'ri qo'shu qilib etishganu  11 29
  • 6 октября 2013 07:59
КОМИЛБОБО
Яшашга эмас, бизни
Имти?онга ташлабдур.
Пирим — ўша ковушсиз
Девонайи Машрабдур.
 
 
Мархабо опа ижодларига ОМАД тилайман.
 
Бу шеърни киритган Музаффаржонга хам ОМАДлар!!!!!
  • 14 декабря 2013 16:44
shoxruxxon_558
gap yuq class menga juda yoqdi
  • 9 декабря 2015 16:22
ИнформацияПосетители, находящиеся в группе Mehmon, не могут оставлять комментарии к данной публикации.

«    Декабрь 2016    »
ПнВтСрЧтПтСбВс
 1234
567891011
12131415161718
19202122232425
262728293031 

Siz qaysi viloyatdansiz?